სტუდენტური კონფერენცია

2019 წელი აკაკი წერეთლის სახელმწიფო უნივერსიტეტისათვის მნიშვნელოვანი თარიღია - ზუსტად 70 წლის წინ, 1949 წლის 15 მარტს, ქუთაისის იმჟამინდელი პედაგოგიური ინსტიტუტის კლუბში, სტუდენტთა პირველი რესპუბლიკური კონფერენცია გაიმართა. კონფერენციაში მონაწილეობა მიიღეს ქუთაისის, თბილისის, სოხუმის, ბათუმის, ცხინვალის, გორის, თელავის პედაგოგიური და ზუგდიდის სამასწავლებლო ინსტიტუტების სტუდენტებმა. 4 დღის განმავლობაში ყველა პლენარულ და სექციურ სხდომაზე წაკითხულ იქნა 51 მოხსენება. ზოგიერთმა მომხსენებელმა საქართველოს განათლების სამინისტროს ჯილდოებიც დაიმსახურა. კონფერენციის შედეგებიდან გამომდინარე, 1949-1950 სასწავლო წლის I სემესტრში, ინსტიტუტში, სამეცნიერო მუშაობისა და კონფერენციის ერთიანი ხელმძღვანელობის მიზნით, დაარსდა სტუდენტთა სამეცნიერო საზოგადოება.

ესეების კონკურსი სტუდენტებისათვის - რუსთაველის ფონდი

შოთა რუსთაველის საქართველოს ეროვნული სამეცნიერო ფონდი ავრცელებს ინფორმაციას სტუდენტებისთვის ესეების კონკურსის შესახებ, რომლის თემატიკაა: აღმოსავლეთ პარტნიორობის პოლიტიკის მომავალი.

 აღმოსავლეთ პარტნიორობის პროგრამა წარმოადგენს ევროკავშირის სამეზობლო პოლიტიკას ბელორუსის, უკრაინის, მოლდოვის, საქართველოს, სომხეთისა და აზერბაიჯანის სახელმწიფოებთან. პროგრამა გულისხმობს თანამშრომლობას: ეკონომიკის, მიგრაციის, მმართველობისა და სხვა მიმართულებებით.

აღნიშნული კონკურსი იმართება პოლონეთისა და ლიეტუვას  საგარეო საქმეთა მინისტრების მიერ გაფორმებული ურთიერთშეთანხმების მემორანდუმის ფარგლებში.

კონკურსში მონაწილეობა შეუძლია ნებისმიერ სტუდენტს, რომლებიც არიან აღმოსავლეთ პარტნიორობის პროგრამის ერთ-ერთი სახელმწიფოს მოქალაქეები და სწავლობენ აღნიშნულ სახელმწიფოების უნივერსიტეტებში.  კონკურსში მონაწილეობისთვის საჭიროა:

  • ინგლისურ ენაზე შესრულებული ესე - MS Word (.doc or .docx.) ან PDF (.pdf) format; font - Times New Roman; font size - 12; spacing - single; სიტყვების რაოდენობა : 5,000 - 6,000 (ca. 10 to 12 pages, A4 format);
  • 1 აპლიკანტს აქვს მხოლოდ 1 ესეს წარდგენის უფლება.
  • ნამუშევარი უნდა შესრულდეს ელექტრონულად და თან ახლდეს ავტორის ხელმოწერა.
  • ნაშრომის ავტორის CV (აუცილებლად უნდა შეიცავდეს ავტორის ტელეფონის ნომერს და ელ-ფოსტას).

კონკურსში მონაწილეობის ბოლო ვადაა 2019 წლის 5 აპრილი.

 

დამატებითი ინფორმაციისათვის გთხოვთ ეწვიოთ ბმულს: https://rustaveli.org.ge/geo/anonsebi/-eseebis-konkursi-studentebistvis-

ახალგაზრდა პუბლიცისტების მხარდაჭერის ინსტიტუტის სამკვირიანი საზაფხულო აკადემიაში

ახალგაზრდა, გერმანულად მოსაუბრე ჟურნალისტებს ცენტრალური და აღმოსავლეთ ევროპის ქვეყნებიდან აქვთ საშუალება, 2019 წლის 14 ივლისიდან 2 აგვისტომდე მონაწილეობა მიიღონ მიუნხენში ახალგაზრდა პუბლიცისტების მხარდაჭერის ინსტიტუტის (ifp – Institut für Förderung publizistischen Nachwuchses) სამკვირიან საზაფხულო აკადემიაში. აკადემიის „Ostkurs 2019“-ის პროგრამაში კლასიკური ჟურნალისტური ჟანრების გარდა (ახალი ამბები, რეპორტაჟი, ინტერვიუ) იქნება ასევე ინფორმაციის ონლაინ მოძიება, ონლაინ ვერიფიკაცია და მობილური რეპორტაჟები. სემინარის მესამე კვირას ჟურნალისტების სკოლის სატელევიზიო სტუდიაში ინტერვიუს ტრენინგი ჩატარდება.

👉 განაცხადების გაგზავნის ბოლო ვადაა 2019 წლის 15 თებერვალი. სრულ ინფორმაციას იხილავთ შემდეგ ვებ-გვერდზე: www.journalistenschule-ifp.de/ostkurs/ostkurs-2019

მეხსიერების პოლიტიკის საშემოდგომო სკოლა

2019 წლის სექტემბერში ლაიფციგის მოლდოვას ინსტიტუტი ატარებს საშემოდგომო სკოლას თემაზე „მეხსიერების კონფლიქტები და წარსულის დაძლევა საქართველოში, რუსეთში, ბელარუსში, უკრაინასა და მოლდოვას რესპუბლიკაში“.

მონაწილეობის მიღება შეუძლიათ ქართველ, მოლდოველ, უკრაინელ, რუს, ბელარუს და გერმანელ სტუდენტებსა და დოქტორანტებს ჰუმანიტარულ და სოციალურ მეცნიერებათა ისეთი მიმართულებებიდან, როგორებიცაა ისტორია, კულტურის მეცნიერებები, ჟურნალისტიკა და პოლიტიკური მეცნიერებები.

რვადღიანი საშემოდგომო სკოლის ფარგლებში განხილული იქნება მეხსიერების პოლიტიკა მოლდოვას ქალაქების კიშინიოვის, კომრატის, ორჰეის, ბენდერის, ტირასპოლის და უკრაინის ქალაქ ჩერნოვიცის მაგალითზე.

პროექტს გერმანიის საგარეო საქმეთა სამინისტროს სახსრებიდან აფინანსებს გერმანიის აკადემიური გაცვლის სამსახური, ხოლო პროგრამის, ბინის, კვებისა და მგზავრობის ხარჯებს ლაიფციგის მოლდოვას ინსტიტუტი.

❗ განაცხადების გაგზავნის ბოლო ვადაა 2019 წლის 30 მარტი.

დამატებით ინფორმაციისათის ეწვიეთ საქართველოში გერმანიის საელჩოს ფეისბუქის გვერდს:

https://www.facebook.com/DeutscheBotschaftTiflis/