„MEDICAL PARTY-2019“

მედიცინის ფაკულტეტის სტუდენტთა ტრადიციული საახალწლო კორპორატიული წვეულება „MEDICAL PARTY-2019“ ნამდვილ დღესასწაულად იქცა მონაწილეებისა და სტუმრებისათვის, ქართველი და უცხოელი ახალგაზრდების უსაზღვრო ნიჭიერება იგრძნობოდა მათ საზეიმო ცეკვებსა და სიმღერებში, გაბრწყინებული სახეები, იუმორი და უხვად დაღვრილი ჭრელი ფერები ალამაზებდა ჯადოსნურ გარემოს. გვჯერა, ახალი წლის ეს დაუვიწყარი შეხვედრა დამდეგი 2019 წლის არაერთი საინტერესო შეხვედრის ნიშანია.

მედიცინის ფაკულტეტის მიერ ჩატარებული სტუდენტური კონფერენცია

25 დეკემბერს აკაკი წერეთლის სახელმწიფო უნივერსიტეტის მედიცინის ფაკულტეტზე გაიმართა სტუდენტთა ყოველწლიური VI სამეცნიერო კონფერენცია „XXI საუკუნის მედიცინის მიღწევები“. ქართველმა და უცხოელმა სტუდენტებმა საინტერესო მოხსენებები წარმოადგინეს თეორიული მედიცინისა და ფარმაციის სესიებში, უპასუხეს შემხვედრ შეკითხვებს, მსგავსი დისკუსიები ხელს უწყობს სტუდენტებს შორის სამეცნიერო-კვლევითი უნარების გამომუშავებას.

უცხოეთში ორგანიზებულ საერთაშორისო სამეცნიერო-კვლევით ღონისძიებებში აკადემიური პერსონალის მონაწილეობის მხარდაჭერა

აკაკი წერეთლის სახელმწიფო უნივერსიტეტის სტრატეგიული გეგმის ერთ-ერთი მთავარი პრიორიტეტია. 22-24 ოქტომბერს რომში ჩატარდა ფილტვის ქრონიკული ობსტრუქციული დაავადების მე-7 საერთაშორისო კონფერენცია COPD-2018, რომლის მუშაობაშიც მონაწილეობდნენ მედიცინის ფაკულტეტის ასოც. პროფესორი ირინე ფხაკაძე და დიმიტრი ნაზარიშვილის სახელობის საოჯახო მედიცინის ცენტრის ოჯახის ექიმი, ტრენერი, სასწავლო ცენტრის კოორდინატორი ქეთევან ჯუღელი, მათ კონფერენციაზე წარმოადგინეს მოხსენება „Improvement of COPD Management in Georgia“ საქართველოში ფილტვის ქრონიკული ობსტრუქციული დაავადების მართვის გაუმჯობესების შესახებ.

მედიცინის ფაკულტეტის ტრადიციული საგანმანათლებლო შეხვედრები ქუთაისის სკოლებში

მედიცინის ფაკულტეტის ტრადიციული საგანმანათლებლო შეხვედრები ქუთაისის სკოლებში ამჯერად კადეტთა სამხედრო ლიცეუმში გაგრძელდა. მომავალი ჯარისკაცების ცხოვრების წესი ხომ თითოეული დღე მავნე ჩვევების გარეშეა, ამიტომაც, იყო განსაკუთრებულად აქტიური აუდიტორია იმედა ქურციკიძისა და სალომე ჩიხლაძის საჯარო ლექციაზე: „თამბაქოსა და ალკოჰოლის გავლენა ორგანიზმზე“.

გაცნობითი კვირის შეხვედრების ფარგლებში ყველაზე ღია შეხვედრა მედიცინის საგანმანათლებლო პროგრამებზე ჩარიცხულ სტუდენტებსა და უფროსკურსელებს შორის გაიმართა

კლინიკური პრაქტიკა რიზეს რეჯეპ ტაიპ ერდოღანის საუნივერსიტეტო კლინიკაში მედიცინის ფაკულტეტის სტუდენტთათვის ერთ-ერთი წარმატებული პროექტია, რომლის მონაწილეებმა პირველკურსელებს გაუზიარეს თურქეთის თანამედროვე მულტიპროფილურ კლინიკაში მიღებული გამოცდილება, მათთვის მომზადებული პრეზენტაციის სახით გადმოცეს ის სასიამოვნო ემოციები, რაც ზაფხულის პრაქტიკას თან ახლდა.

ვებ გვერდი ოპტიმიზირებულია შშმ პირებისთვის.