დაპროგრამებაში მსოფლიო ჩემპიონატის მეოთხედფინალური ეტაპის შედეგები

მიმდინარე წლის 27 ოქტომმბერს უნივერსიტეტმა უმასპინძლა დაპროგრამებაში უმაღლეს სასწავლებლებს შორის მსოფლიო ჩემპიონატის მეოთხედფინალს საქართველოს რეგიონისათვის (თბილისი, ქუთაისი). ტრადიციულად ჩვენს უნივერსიტეტს ეწვივნენ დასავლეთ საქართველოს უნივერსიტეტების გუნდები (მათ შორის ბათუმის სახელმწიფო უნივერსიტეტის 5 გუნდი და კონკურს გარეშე მონაწილე ქუთაისის სკოლების მოსწავლეთა 2 გუნდი). აკაკი წერეთლის სახელმწიფო უნივერსიტეტიდან მეოთხედფინალში დაშვებული იყო ორი გუნდი: Kutaisi State University 1 (ირაკლი ბუცხრიკიძე, თამაზ ლელაძე, ლერი გოგსაძე) და Kutaisi State University 2 (მარიამ მარგველაშვილი, თამარ კლდიაშვილი, ალეკო ხანთაძე).
მეოთხედფინალურ ეტაპზე რეგიონის მასშტაბით სულ მონაწილეობას იღებდა 11 უნივერსიტეტის 49 გუნდი. აკაკი წერეთლის სახელმწიფო უნივერსიტეტის ორივე გუნდმა ღირსეულად იასპარეზა (პირველმა გუნდმა ამოხსნა 6 ამოცანა, ხოლო მეორე გუნდმა 5 ამოცანა, გამარჯვებულ გუნდს ამოხსნილი აქვს 8 ამოცანა) და მოიპოვა დაპროგრამებაში უმაღლეს სასწავლებლებს შორის მსოფლიო ჩემპიონატის ნახევარფინალში გამოსვლის უფლება, რომელიც ჩატარდება თბილისში 2018 წლის 1-2 დეკემბერს.
მეოთხედფინალური ტურის შედეგები შეიძლება იხილოთ ბმულზე

fShare
0

ვებ გვერდი ოპტიმიზირებულია შშმ პირებისთვის.