მიხაი ზიჩის სახელობის კონკურსი სულხან-საბა ორბელიანის იგავ-არაკების "სიბრძნე სიცრუისა" თემაზე

საქართველოს განათლების, მეცნიერების, კულტურისა და სპორტის სამინისტროს მხარდაჭერით, უნგრეთის საელჩო საქართველოში აცხადებს მიხაი ზიჩის სახელობის კონკურსს ილუსტრატორებისთვის, რომელიც თემატურად სულხან-საბა ორბელიანის იგავ-არაკებს ,,სიბრძნე სიცრუისა“ უკავშირდება.

კონკურსი უნგრელი ხელოვანის, მიხაი ზიჩის შემოქმედებას ეძღვნება და მისი მიზანია უნგრული და ქართული თანამედროვე ხელოვნების სფეროში მოღვაწე ახალგაზრდების წახალისება, მათი შემოქმედებითი კავშირების განვითარება, ორ ქვეყანას შორის კულტურული ურთიერთობების გაღრმავება. მიხაი ზიჩის სახელი მჭიდროდ არის დაკავშირებული საქართველოსთან. იგი არის ,,ვეფხისტყაოსნის“ ილუსტრაციების ავტორი და მხატვრის ნამუშევრები საქართველოს მუზეუმებშია დაცული.
კონკურსი ოფიციალურად 2020 წლის პირველ იანვარს დაიწყო და 31 მარტის ჩათვლით გაგრძელდება, ხოლო კონკურსში გამარჯვებული მ.წ. აპრილის თვეში გამოვლინდება. ამასთან, გაცნობებთ, რომ:
კონკურსის პირობები გამოქვეყნებულია საქართველოში უნგრეთის საელჩოს ოფიციალური ვებ-გვერდის შემდეგ ბმულზე: https://tbiliszi.mfa.gov.hu/news/zichy-prize-2019
დამატებითი კითხვების შემთხვევაში, კონკურსანტებს შესაძლებლობა ეძლევათ მიმართონ საქართველოში უნგრეთის საელჩოს შემდეგ მისამართზე: ელ-ფოსტის ეს მისამართი დაცულია სპამ-ბოტებისგან. ნახვისთვის უნდა გქონდეთ ჩართული JavaScript.

ვებ გვერდი ოპტიმიზირებულია შშმ პირებისთვის.