ქართული
English (UK) 
აკაკი წერეთლის სახელმწიფო უნივესიტეტის საზღვაო სატრანსპორტო ფაკულტეტის კურსდამთავრებულთა დასაქმების მიზნით სს „ვი თი ბი ბანკის“ მმართვლი გური ჭანუყვაძე საზღვაო სატრანსპორტო ფაკულტეტის ადმინისტრაციის ჩართულობით შეხვდა „მენეჯმენტის“ სპეციალობის სტუდენტებს და ჩაატარა მათთან გასაუბრება.
საზღვაო სატრანსპორტო ფაკულტეტის სტუდენტების შემეცნებითი ტური საქართველოს სახელმწიფო ჰიდროგრაფიულ სამსახურში
საზღვაო სატრანსპორტო ფაკულტეტის „მენეჯმენტის“ საბაკალავრო პროგრამის სტუდენტები შემეცნებითი ტურის ფარგლებში ეწვივნენ საქართველოს ეკონომიკისა და მდგრადი განვითარების სამინისტროს სსიპ ,,საქართველოს სახელმწიფო ჰიდროგრაფიული სამსახურს", რომელიც არის საქართველოში სანავიგაციო გაფრთხილებების ეროვნული კოორდინატორი, საერთაშორისო ჰიდროგრაფიული ორგანიზაციის (IHO) და შუქურების ორგანიზაციების საერთაშორისო ასოციაციის (IALA) წევრი.
31 ოქტომბერი - შავი ზღვის დაცვის საერთაშორისო დღეა
ამ დღისადმი მიძღვნილი კვირეულის ფარგლებში ქალაქ ფოთის ხელისუფლების, კოლხეთის ეროვნული პარკის, ეი პი ემ ტერმინალს ფოთის, იმერეთის მხარის მეცნიერთა კავშირის „სპექტრის“ ორგანიზებით ქ.ფოთის სანაპირო ზოლის დასუფთავების აქციაში აქტიურად ჩაერთნენ აკაკი წერეთლის სახელმწიფო უნივერსიტეტის საზღვაო სატრანსპორტო ფაკულტეტის სტუდენტები და აკადემიური პერსონალი. ნარჩენებისაგან დასუფთავდა კუნძულის უბნის შავი ზღვის სანაპირო ზოლი.
ვორქშოპი შავი ზღვის გარემოს მონიტორინგის აქტუალურ საკითხებზე
1996 წელს შავი ზღვის აუზის ქვეყნებმა ხელი მოაწერეს შავი ზღვის დაცვის სტრატეგიულ გეგმას, რის შემდეგაც 31 ოქტომბერი შავი ზღვის დაცვის დღედ გამოცხადდა. ამ თარიღის აღსანიშნად ქ. ფოთის ადგილობრივი მუნიციპალიტეტის, ჰიდროგრაფიის სახელმწიფო სამსახურის, ივანე ჯავახიშვილის თბილისი სახელმწიფო უნივერსიტეტის და აკაკი წერეთლის სახელმწიფო უნივერსიტეტის ორგანიზებით ქ. ფოთში ჩატარდა შავი ზღვის საერთაშორისო დღისადმი მიძღვნილი ვორქშოპი.
„მენეჯმენტის“ საბაკალავრო პროგრამის კურსდამთავრებულთა გამოსაშვები საღამო საზღვაო სატრანსპორტო ფაკულტეტზე
20 ივნისს საზღვაო სატრანსპორტო ფაკულტეტზე ახალი, აკრედიტებული საბაკალავრო პროგრამის -„მენეჯმენტის“ პირველ კურსდამთავრებულთა გამოსაშვები საღამო გაიმართა. სტუდენტებს სწავლის დასრულება მიულოცეს და მომავალი ცხოვრების გზა დაულოცეს ფაკულტეტის ადმინისტრაციის წარმომადგენლებმა, პროგრამის ხელმძღვანელმა და აკადემიური პერსონალის წარმომადგენლებმა.