აკაკი წერეთლის სახელმწიფო უნივერსიტეტის საზღვაო სატრანსპორტო ფაკულტეტის მენეჯმენტის საბაკალავრო პროგრამის სტუდენტებმა, 11 უცხოური და 9 ქართული უმაღლესი სასწავლებლების წარმომადგენლებთან ერთად, მონაწილეობა მიიღეს  ბათუმის ნავიგაციის სასწავლო უნივერსიტეტის მიერ ორგანიზებულ სტუდენტთა მეოთხე საერთაშორისო ონლაინკონფერენციაში.  სტუდენტების ირაკლი მაისურაძის, ნიკა ბუკიას, თამარ ქორიძის და თეიმურაზ გვათუას ონლაინ კონფერენციაზე წარდგენილმა თემებმა, მენეჯმენტის სფეროში არსებულ  თანამედროვე გამოწვევებზე,  მონაწილეთა ინტერესი გამოიწვია.    

სოციალური დისტანცირების პირობებში, უმაღლეს სასწავლებელში დამკვიდრებულ სწავლება/სწავლის ტრადიციულ ფორმებთან ერთად, დღის წესრიგში დადგა დისტანციური სწავლების რეჟიმზე გადასვლა.

საზღვაო სატრანსპორტო ფაკულტეტის „მენეჯმენტის“ საბაკალავრო პროგრამის სტუდენტები შემეცნებითი ტურის ფარგლებში ეწვივნენ საქართველოს ეკონომიკისა და მდგრადი განვითარების სამინისტროს სსიპ ,,საქართველოს სახელმწიფო ჰიდროგრაფიული სამსახურს", რომელიც არის საქართველოში სანავიგაციო გაფრთხილებების ეროვნული კოორდინატორი, საერთაშორისო ჰიდროგრაფიული ორგანიზაციის (IHO) და შუქურების ორგანიზაციების საერთაშორისო ასოციაციის (IALA) წევრი.

აკაკი წერეთლის სახელმწიფო უნივესიტეტის საზღვაო სატრანსპორტო ფაკულტეტის კურსდამთავრებულთა დასაქმების მიზნით სს „ვი თი ბი ბანკის“ მმართვლი გური ჭანუყვაძე საზღვაო სატრანსპორტო ფაკულტეტის ადმინისტრაციის ჩართულობით შეხვდა „მენეჯმენტის“ სპეციალობის სტუდენტებს და ჩაატარა მათთან გასაუბრება.

1996 წელს შავი ზღვის აუზის ქვეყნებმა ხელი მოაწერეს შავი ზღვის დაცვის სტრატეგიულ გეგმას, რის შემდეგაც 31 ოქტომბერი შავი ზღვის დაცვის დღედ გამოცხადდა. ამ თარიღის აღსანიშნად ქ. ფოთის ადგილობრივი მუნიციპალიტეტის, ჰიდროგრაფიის სახელმწიფო სამსახურის, ივანე ჯავახიშვილის თბილისი სახელმწიფო უნივერსიტეტის და აკაკი წერეთლის სახელმწიფო უნივერსიტეტის ორგანიზებით ქ. ფოთში ჩატარდა შავი ზღვის საერთაშორისო დღისადმი მიძღვნილი ვორქშოპი.