10 ნოემბერს აკაკი წერეთლის სახელმწიფო უნივერსიტეტში პროფესიული გადამზადების პროგრამის „ლაბორატორიული ჯანმრთელობა და უსაფრთხოება“ წარდგენა გაიმართა.
ღონისძიებას უნივერსიტეტის რექტორი როლანდ კოპალიანი, ქუთაისის მერი იოსებ ხახალეიშვილი, რექტორის მოადგილე შალვა კირთაძე, ადმინისტრაციის ხელმძღვანელი სერგო სვანაძე, პროგრამის მენეჯერი ნინო ყოჩიშვილი (ევროკავშირის წარმომადგენლობა საქართველოში), პროექტის განმახორციელებელი ორგანიზაციები, დასაქმების ხელშეწყობის სახელმწიფო სააგენტო, არასამთავრობო ორგანიზაციები, სურსათის ეროვნული სააგენტო, გარემოს დაცვის ეროვნული სააგენტო, დაავადებათა კონტროლისა და საზოგადოებრივი ჯანმრთელობის ცენტრი, საქართველოს შინაგან საქმეთა სამინისტროს სახელმწიფო საქვეუწყებო დაწესებულების საგანგებო სიტუაციების მართვის სამსახური, ქალაქის რესურსცენტრის ხელმძღვანელი, სოფლის მეურნეობის სამინისტროს ქუთაისის ზონალური დიაგნოსტიკური ლაბორატორიის წარმომადგენლები, საქართველოს ბიოტექნოლოგიის ასოციაცია, პროფესიული პროგრამების განმახორციელებლები, პროგრამის კურსდამთავრებულები და მსმენელები დაესწრნენ.

მიმდინარე წლის 25 ოქტომბერს გეოგრაფიის დეპარტამენტმა უმასპინძლა სსიპ წმინდა ნინოს სახელობის ქ. ქუთაისის მე-3 საჯარო სკოლის მე-8გ კლასის მოსწავლეებს.

2022 წლის 22 ოქტომბერს 12 საათზე აკაკი წერეთლის სახელმწიფო უნივერსიტეტში, ქიმიის დეპარტამენტის ორგანიზებით, ჩატარდება საჯარო ლექცია თემაზე „ატმოსფეროს დაბინძურება და მისი მონიტორინგი" (აუდიტ. 5208)
მოხსენებას გააკეთებს თბილისის სახელმწიფო უნივერსიტეტის ზუსტ და საბუნებისმეტყველო მეცნიერებათა ფაკულტეტის ქიმიის დეპარტამენტის ასისტენტ - პროფესორი გიორგი ჯიბუტი.

,,ატმოსფეროს მონიტორინგისა და კვლევების მდგომარეობა საქართველოში“ - ამ თემაზე აკაკი წერეთლის სახელმწიფო უნივერსიტეტში 22 ოქტომბერს საჯარო ლექცია გაიმართა. თემაზე თბილისის სახელმწიფო უნივერსიტეტის ასისტენტ პროფესორმა გიორგი ჯიბუტმა ისაუბრა. თემამ დიდი ინტერესი გამოიწვია და აქტუალურ საკითხზე დისკუსია გაიმართა. საჯარო ლექცია პროფესორმა გიორგი ჯიბუტმა აკაკი წერეთლის სახელმწიფო უნივერსიტეტის ქიმიის დეპარტამენტის მოწვევით ჩაატარა.

ზუსტ და საბუნებისმეტყველო მეცნიერებათა ფაკულტეტზე მოქმედ სამაგისტრო საგანმანათლებლო პროგრამას ,,კომპიუტერული მეცნიერება" (პროგრამის ხელმძღვანელი პროფესორი აკაკი გირგვლიანი) უმაღლესი საგანმანათლებლო პროგრამების აკრედიტაციის საბჭოს გადაწყვეტილებით მიენიჭა სრული აკრედიტაცია.